भोजपुरी गीत (श्रिंगार रस )- छन छन पयलिया
छन छन पयलिया ना बजावा गोरी |
ठहरल पनिया अगिया ना लगावा गोरी |
हमरो जियरा ना जरावा गोरी ना |
मिसरी से मिठ लगे तोहार बोलिया |
मनवा भरमावे बोले जईसे कोइलिया |
पुरवा अँचरा ना उड़ावा गोरी |
हमरो जियरा ना जरावा गोरी ना |
महके बदनवा जईसे केसर गंधवा |
चहके नयनवा जइसे कमल बँधवा |
सुतल असिया ना जगावा गोरी |
हमरो जियरा ना जरावा गोरी ना |
हंसेलु त लागे जईसे मोती झरे मुहवा |
जेने जेने जालू खिले फुलवा तहवा |
खन खन कंगना ना खनकावा गोरी |
हमरो जियरा ना जरावा गोरी ना |
लागल आसरा बनबू हमरो रनिया |
केसिया उड़ावेलू त बरसे घटा पनिया |
भारती के आसरा पुरावा गोरी |
हमरो जियरा ना जरावा गोरी ना |
श्याम कुँवर भारती [राजभर]
कवि ,लेखक ,गीतकार ,समाजसेवी ,
मोब /वाहत्सप्प्स -9955509286
No comments:
Post a Comment